資深驗樓師詹濟南舉行了一個「2013年度建造及裝修業優秀大獎頒獎禮」，過去一年檢驗了24個一手樓盤，包括將軍澳天晉、上環西浦、油麻地御金‧國峯、大角嘴奧柏‧御峯、大埔天賦海灣、灣仔壹環、紅磡昇御門、馬灣珀麗灣海珏、沙田溱岸8號、大嶼山愉景灣津堤、筲箕灣譽‧東、筲箕灣譽都、粉嶺歌賦嶺等。

其中最好5個屋苑是新地（016）的筲箕灣譽都及譽‧東、信德（242）的紅磡昇御門、信置（083）的油麻地御金‧國峯及大角嘴奧柏‧御峯。

驗樓師詹濟南回顧過去一年最難忘驗樓經歷，是長實(001)九龍塘珏堡。他憶述，當時在單位入面經過一條鐵梯行上天台，發現天台竟然無圍欄，家陣諗返都唔知做咩好，可能最啱攞來曬鹹魚。

詹濟南回顧2013年驗樓質素，「好嘅更好，衰嘅更衰。」最令人失望的樓盤，他話:「一個是短樁樓…一個是擺咗好多年先賣嘅貨尾，係個度，你會聞到鹹水味…」。

記者追問是否天水圍居屋天頌苑，以及恒隆(101)大角嘴浪澄灣？詹sir話:「你自己估㗎咋!」

文章來源: http://hk.apple.nextmedia.com/realtime/finance/20140305/52251116